BURA / ORA
SƏNƏT
BİLİM / DİN
SEVGİ
EV / ÇÖL
FEMİNİZM
UŞAQ / BÖYÜK
HÜQUQLARIMIZ
QADIN / KİŞİ
KİŞİ KİMİ
GENDER
SEKS
HƏR ŞEY / HEÇ NƏ
DƏB VƏ BAXIM
YAZI / DÜŞÜNCƏ
REDAKTOR SEÇİMİ
ÇOX OXUNANLAR
HƏR KƏS AZADLIĞI BOYDADI... Cəlildən Elina üçün
Tarix : 08 Aprel 2019, 23:16 Cəlil Cavanşir özünü atan məktəbli qıza ünvanlanmış şeir yazıb. Şeirdə Cəlil bəy şairlərin ölüm sükutuna üsyan edib. Həmin şeiri sizə təqdim edirik;
Elina,
şeirlər yağır səmadan
kirlənməmiş küçələrə.
qarşımızı kəsən barrikadalarda,
ölüm sükutuyla susan üzlər,
kirlilər və təmizlər,
və bizlər,
sabaha ümidsizcə yürüyən şairlər...
Elina,
şeirlər yağır küçələrə,
şeir yağışı...
susur bir ana naləsi, dinir bir ana qarğışı.
və tanrının qarışıqdır başı.
ya kimsə onu aldadır,
ya da dualar yoldadır.
ölüm hər addımbaşı arxamdadır.
şeir kirlənmiş üzləri yumur, isladır.
hər kəs öz azadlığı,
öz ümidi boydadır...
sizlər,
ey, sizi deyirəm, sizlər
sizin günahınızı şeir deyil, qan təmizlər.
ey günahkar şəhərin sərsəri şairləri
şeir yuya bilməz içinizdəki kədəri,
siz yaşayan şəhərdə çoxalır uşaq qəbirləri
şeir belə xilas etmir sizləri...
şeir xilas etmir bizləri...
Elina,
şairlər ölür tənha gecələrdə,
şeirlər yağır küçələrə
gecənin qaranlığında nə günah işlənir, nə savab
Siz susun,
siz yatın,
siz için
inqilabı gözləməyin küçələrdə
siz olmadan da başlayar inqilab!
Cəlil Cavanşir
qadinkimi.com
